काठमाडौं । राष्ट्रपति विद्यादेवी भण्डारी आज बङ्गलादेशको राजधानी प्रस्थान गर्ने भएकी छिन् । उनी दुई दिने राजकीय भ्रमणको सिलसिलामा बंगलादेश जान लागेकी हुन् । बंगलादेशी समकक्षी मोहमम्द अब्दुल हमिदको निमन्त्रणामा राष्ट्रपति भण्डारीको भ्रमण हुन लागेको हो ।
उनी नेपाल एयरलाइन्सको विशेष चार्टर जहाजबाट बिहान पौने ९ बजे बंगलादेश उड्ने कार्यक्रम छ । दुई दिने भ्रमणका क्रममा नेपाल र बंगलादेशको बीचमा रहेको पारवहन सम्झौता संशोधनसम्बन्धी सम्झौता हुने छ । यस भ्रमणका दौरान कुल ४ वटा सम्झौतामा हस्ताक्षर हुने कार्यक्रम छ ।
राष्ट्रपति भण्डारी बंगलादेशका राष्ट्रपिता बंगलाबन्धु शेख मुजबुर रहमानको सतवार्षिकी जन्म जयन्तीमा सहभागी हुनेछिन् । भण्डारीले बंगलादेशका समकक्षी मोहमद अब्दुल हमिदसँग विभिन्न दुईपक्षीय विषयमा वार्ता गर्नेछिन् । भण्डारी समकक्षीले आयोगजना गर्ने रात्रिभोजमा सहभागी हुने कार्यक्रम छ । ढाकास्थित नेपाली दूतावास भ्रमण गर्ने र नेपाली समुदायसँग भेट गर्ने कार्यसूची समेत रहेको छ । टोलीमा परराष्ट्रमन्त्रीसहित उच्च सरकारी अधिकारीसमेत रहने छन् ।