काठमाडौं । १२ औँ राष्ट्रिय जनजणना बिहीबारबाट शुरु हुँदैछ । जनगणनाको सम्पूर्ण तयारीको काम पुरा भएको केन्द्रिय तथ्यांक विभागले जनाएको छ । जनगणनाका लागि देशभरबाट ४० हजार गणक खटिने विभागका महानिर्देशक नेविनलाल श्रेष्ठले जानकारी दिए । जनगणनामा खटिने गणकको सहजीकरणमा आठ हजार पाँच सय जना सुपरीवेक्षक खटिने भएका छन् ।
४० हजार जना गणकले हरेक घर परिवारमा औसत २० मिनेट समयमा प्रश्नावली भर्ने भएका छन् । कुल ८० प्रश्न जनगणनामा सोधिने भएको छ । जनगणनामा काठमाडौं जिल्लामा ट्याबलेटको प्रयोग हुँदैछ । कालापानी, लिपुलेक क्षेत्रमा जगनणना गर्न भने भारतको स्वीकृति लिनुपर्ने भएको विभागको भनाई छ । यी भेग भारतीय सेनाको कब्जामा छन् । १२ औं जनगणना २०७८ कात्तिक २५ गतेदेखि मंसिर ९ गतेसम्म हुनेछ ।