बुटवल । राष्ट्रिय जनमोर्चाको अध्यक्षमा चित्रबहादुर केसी पुनः निर्वाचित भएका छन् । बुटवलमा सम्पन्न राष्ट्रिय जनमोर्चाको चौथो राष्ट्रिय सम्मेलनबाट अध्यक्षमा चित्रबहादुर केसीसहित ४७ केन्द्रीय सदस्य निर्वाचित भएका हुन् । नयाँ नेतृत्व चयन गर्दै बिहीबार राष्ट्रिय जनमोर्चाको राष्ट्रिय सम्मेलन सम्पन्न भएको पार्टीले जनाएको छ ।
केसीसहित ३७ सदस्य पूर्णकालीन र १० जना वैकल्पिक सदस्यसहित कुल ४७ सदस्यीय केन्द्रीय कमिटी निर्वाचित भएको राष्ट्रिय जनमोर्चाले उल्लेख गरेको छ ।
राष्ट्रिय जनमोर्चाको कार्यवाहक अध्यक्षमा रश्मीराज नेपाली, महासचिवमा मनोज भट्ट निर्वाचित भएका छन् भने प्रथम उपाध्यक्षमा जनक भट्ट र द्वितीय उपाध्यक्षमा प्रतिनिधि सभा सांसद दुर्गा पौडेल निर्वाचित भएकी छिन् । सचिवमा हिमलाल पुरी र कोषाध्यक्षमा मधु क्षेत्री निर्वाचित भएका छन्।
सम्मेलबाट केन्द्रीय सदस्यहरूमा शंकर बराल,लालबहादुर थापा,कृष्ण बहादुर खड्का,कमला जिसी,कल्याणी श्रेष्ठ, रत्न बिक्रम प्यासी राना,तारा थापा,नन्दराज भट्ट,डम्बर पुरी,लालबहादुर जाग्री,सोमकुमार कार्की,राजेन्द्र ढुङ्गाना र घनश्याम न्यौपानेलाई निर्वाचित गरेको छ ।
यसैगरी झविलाल थापा, पियारी थापा,ईन्दिरा ज्ञवाली ,यमलाल पोखरेल,मञ्जु परियार,लक्ष्मी केसी,सुधा शर्मा,देवी शर्मा,लिलादेबी शर्मा,दिलबहादुर दर्जी,चन्द्रा परियार, भागिरथ भट्टराई,दिपक पाण्डे र पदमा पण्डित निर्वाचित भएका छन् ।
साथै, नारायण जिसी,रामकुमार क्षेत्री, गिरी प्रसाद वुडा,गौरीश्वर पाण्डे,धर्मान्द सुवेदी,चिन्ता मणी पौडेल, हेम कुमार गुरूङ,अमृत पाण्डे,गणेश आचार्य,कमलविक्रम शाही,उदय नारायण चौधरी,सुवर्ण विक्रम थापा विजयी भएका हुन् ।
हरेक ५ वर्षमा सम्मेलन गर्नुपर्ने व्यवस्था अनुसार पार्टीको संगठनात्मक संरचना बनाउन सम्मेलन गरिएको थियो। सम्मेलनबाट राजनीतिक सांगठनिक प्रतिवेदन समेत सर्वसम्मतले पास भएको छ ।