राष्ट्रिय सभाको अधिवेशन असार १९ गतेका लागि आह्वान

काठमाडौं । राष्ट्रपति विद्यादेवी भण्डारीले राष्ट्रियसभाको अधिवेशन आह्वान गरेकी छन्। राष्ट्रपतिको कार्यालयका अनुसार संविधानको धारा ९३ को उपधारा १ बमोजिम नेपाल सरकार, मन्त्रिपरिषद्को १० असारको सिफारिसबाट १९ असारमा बस्ने गरि राष्ट्रिय सभाको अधिवेशन आह्वान भएको हो । प्रधानमन्त्री केपी शर्मा ओलीको सिफारिसमा प्रतिनिधिसभा भने गत जेठमा विघटन गरिएको छ । त्यससँगै परेको मुद्दा भने सर्वोच्चमा सुनुवाइ जारी छ । प्रतिनिधिसभा नभएको अवस्थामा समेत राष्ट्रिय सभा भने जिवित रहन्छ ।