राष्ट्रिय स्वतन्त्र पार्टीको बैठकमा मोबाइल प्रतिबन्ध

काठमाडौं । राष्ट्रिय स्वतन्त्र पार्टीको पार्टी केन्द्रीय कार्यालय बसुन्धारामा संसदीय दल र केन्द्रीय समितिको संयुक्त बैठक चलिरहेको छ । बैठकबाट सरकारमा रहने वा नरहने भन्नेबारे निर्णय लिँदैछ। बैठकलगत्तै पार्टी सभापति रवि लामिछानेले विशेष पत्रकार सम्मेलन गर्ने बताएका छन्। बैठकको गोपनीयता कायम राख्न नेताहरूलाई मोबाइल बोक्न रोक लगाइएको स्रोतले जनाएको छ । यसअघि बैठककै क्रममा सञ्चारमाध्यममा सूचना लिक भएको भन्दै सबै केन्द्रीय सदस्य र सांसदहरूको मोबाइल एकै ठाउँमा जम्मा गरेर राखिएको छ ।