बेलायती प्रधानमन्त्री बोरिस जोनसनले पाँचवटा रुसी बैंकहरूमाथि प्रतिबन्ध लगाउने घोषणा गरेका छन्। उनले रुसका सबैभन्दा बढी सम्पत्ति भएका तीन व्यक्तिमाथि पनि प्रतिबन्ध लगाएका छन्। बीबीसीले जनाए अनुसार यूकेमा भएको रुसी सम्पत्ति रोक्का गरिएको छ । ती बैंकका प्रतिनिधिलाई बेलायत आउन समेत प्रतिबन्ध लगाइएको छ।
आफुहरुले यूकेका कुनै पनि व्यक्ति वा संस्थालाई उनीहरूसँग कुनै पनि प्रकारको सम्बन्ध राख्न नदिने समेत उनले बताए । उनले यी कदम पहिलो चरणको प्रतिबन्ध भएको उल्लेख गर्दै थप प्रतिबन्धहरू लगाउनका लागि पनि आफू तयार रहेको जनाएका छन्। रुसी राष्ट्रपतिले युक्रेनमा आक्रमण गर्न सक्ने आशंकाका बीच पश्चिमा मुलुकहरुले रुसमाथिको प्रतिवन्ध कडा गरेका हुन् ।