काठमाडौं । अफगानिस्तान र सिरिया युद्धभन्दा पनि क्षतिको हिसाबले रुसलाई यूक्रेन युद्ध महँगो बनेको छ । बिबिसीको रिपोर्टअनुसार यूक्रेनमा मानवीय र आर्थिक हिसाबले रुसले धेरै मूल्य चुकाइरहेको छ । रुस–यूक्रेनबीचको युद्ध तत्कालै अन्त्य नहुने देखिएको बेला रुसलाई थप क्षति हुने सम्भावना छ ।
युक्रेनका राष्ट्रपति भोलोडिमिर जेलेन्स्कीले आफ्नो सम्बोधनमा पनि रुस फिर्ता हुने अवस्थामा रहेको बताए । “रुसी सेनाले युक्रेनमा जति क्षति बेहोर्नु परेको छ, त्यो न सिरियामा न चेचन्यामा।
सोभियत सेनाले अफगानिस्तानमा पनि यति क्षति बेहोरेको थिएन”, रूसी भाषामा सम्बोधन गर्दै जेलेन्स्कीले भने, “रुस सेना यूक्रेनबाट फिर्ता हुनुको विकल्प छैन, उनीहरु ज्यान जोगाउन पनि फिर्ता हुनुपर्छ ।”
युक्रेनी राष्ट्रपतिको विश्लेषण रुस सबै हिसाबले हारिसकेको छ । चौतर्फी प्रतिबन्धको सामना गरिरहेको रुस बाध्यतात्मक रुपमा फिर्ता हुन्छ ।
यूक्रेन युद्धमा कुन पक्षलाई कति क्षति भयो भन्ने त स्पष्ट छैन तथापि दुवै पक्षका थुप्रै सैनिक मारिएका छन् । सञ्चार माध्यमका अनुसार यूक्रेन युद्धमा रुसी पक्षका झण्डै ७ हजारभन्दा बढी सैनिक मारिएका छन् ।
अन्य तथ्यांकका अनुसार अफगान युद्ध ९१९७९–८९० मा करिब १५,००० सोभियत सैनिक मारिएका थिए र चेचन्या युद्धमा कम्तिमा १३,००० रुसी सैनिक मारिएका थिए। सिरियामा यो संख्या सयौंमा छ ।