काठमाडौं । कलाकार रेखा थापा राप्रपाको पूर्णकालिन राजनीतिमा होमिएकी छिन् । उनी राप्रपा अध्यक्षका उम्मेदवार राजेन्द्र लिङ्देन समूहको प्यानलमा महामन्त्रीको उमेदवार बनेकी हुन् । बिहीबार साँझ लिङ्देन पक्षले उपाध्यक्ष र महामन्त्रीसहितको प्यानल घोषणा गरेको छ । लिङ्देन समूहबाट विक्रम पाण्डे उपाध्यक्षका उम्मेदवार बनेका छन् ।
चार उपाध्यक्षमा पाण्डे, दिलविकास राजभण्डारी, रामचन्द्र राय र लीला श्रेष्ठलाई उम्मेदवार बनाइएको छ । तीन महामन्त्रीका लागि धवलशमशेर राणा, श्याम तिमिल्सिना र रेखा थापालाई उम्मेदवार बनेका छन् । अध्यक्ष पदमा कमल थापा र लिङ्देनबीच भिडन्त हुँदैछ ।