काठमाडौं । क्रिष्टियानो रोनाल्डो आवद्ध रहेको टीम इटालियन च्याम्पियन युभेन्ट्स जारी यूईएफए च्याम्पियन्स लिगबाट बाहिरिएको छ । क्वार्टरफाइनलका लागि भएको दोस्रो लेगमा घरेलु मैदानमा पोर्टोलाई हराएपछि अवे गोलको आधारमा युभेन्ट्स बाहिरिएको हो । गएराति अतिरिक्त समयमा लम्बिएको खेल ३–२ मा सकियो । पहिलो लेग पोर्टोले २–१ ले आफ्नो पक्षमा पारेको फाइदा दोस्रो लेगमा उठायो । समग्रमा ४–४ को बराबरी भयो ।
तर, पोर्टोले युभेन्टसको मैदानमा २ अवे गोल गरेका कारण युभेन्ट्स अन्तिम १६ मै रोकिएको हो । पोर्टोको जितमा सर्जियो अलिभिएराले नै २ गोल गरेका हुन् । युभेन्ट्सका फेडेरिको किएजाले २ तथा एड्रिएन राबिअटले १ गोल गरे। त्यसपछि पनि कुनै पनि टीमबाट गोल हुने सकेन । मंगलबार राती नै भएका अन्य खेलमा जर्मन क्लब बोरुसिया डर्टमण्ड क्वाटरफाइनल पुगेको छ ।
उसले दोस्रो लेगमा स्पेनिस क्लब सेभिल्लासँग २–२ गोलको बराबरी खेल्यो । समग्रमा ५–४ को नतिजाका साथ डर्टमण्ड क्वाटरफाइनल पुगेको हो ।
आज बहुचर्चित दुई क्लव बार्सिलोना र पेरिस सेन्ट जर्मेनबीच खेल हुँदैछ । बार्सिलोनाको घरेलु मैदानमा ३ गोल अन्तरसहित पहिलो लेगमा पिएसजी विजयी भएको थियो । आज पिएसजीको घरेलु मैदानमा हुने खेलमा बार्सिलोनाले कम्तिमा ४ गोल हान्नु पर्नेछ । पिएसजी भने कुनै पनि दवावमा हुने छैन । उ कम्तिमा २ गोल अन्तरको हारका वावजुत पनि अन्तिम ८ मा पुग्नेछ ।