रोल्पा । रोल्पाको जंगलमा वेवारिसे बम विस्फोट हुँदा ४ जना बालबालिकाको ज्यान गएको छ । जंगलमा छोडिएको बमलाई खेलौना ठानेर खेलाउँदा ४ जना बालबालिकाको ज्यान गएको हो ।
बालबालिका गाईबाख्रा चराउन गएको बेला बम फेला पारेको प्रहरीले जनाएको छ ।
मृत्यु हुनेमा जिल्लाको त्रिवेणी गाउँपालिका वडा नं. ७ निवासी लालबहादुर खत्रीका ५ वर्षीय छोरा विजय खत्री, उनकी ११ वर्षीया दिदी विमला खत्री, लक्ष्मण नेपालीका १३ वर्षीय छोरा गौरब नेपाली र ओजबहादुर डाँगीका १४ वर्षीय छोरा नोखिराम डाँगी रहेको प्रहरीले पुटी गरेको छ ।
५ नं. प्रदेश प्रहरी कार्यालय तुलसीपुर दाङका अनुसार गाई बाख्रा चराउन गएका बच्चाहरुले बेवारिसे अवस्थामा रहेको बमलाई खेलौना ठानेर खेलाउन खोज्दा विष्फोट भएको हो ।
यसले बालबालिकोका निधन हुन पुगेको छ । घटना बेलुका ६ बजेतिर भएको थियो ।
घटनास्थलतर्फ इलाका प्रहरी कार्यालय होलेरीबाट प्रहरी निरीक्षकको कमाण्डमा प्रहरी गएको हुँदा बताइएको छ । बम कसले राखेको थियो भन्नेबारे समेत अनुसन्धान थालिएको प्रहरीले जनाएको छ ।