रौतहटमा कार दुर्घटनामा परि चार जनाको मृत्यु

रौतहट । रौतहटमा कार दुर्घटनामा चार जनाको ज्यान गएको छ । यमुनामाई गाउँपालिका ५ जुनखुनुवामा शनिबार राति करिब १० बजेतिर भारतीय नम्बरको कार दुर्घटना भएको प्रहरीले जनाएको छ । युके १२ सी २९०० नम्बरको कार सडक भन्दा तल खाल्डोमा रहेको पानीमा डुबेको अवस्थामा भेटिएको थियो । कारको सिसा फुटाएर चार जना पुरुषलाई बाहिर निकालेर अस्पताल पुर्‍याइएको थियो । अस्पताल पुर्‍याएलगत्तै डाक्टरहरूले चारै जनालाई मृत् घोषणा गरेको प्रहरीको भनाई छ । मृतकको पहिचान खुलेको छैन । उनीहरु भारतीय नागरिक भएको हुन सक्ने अनुमान गरिएको छ ।