न्युयोर्क
अमेरिकाभरि छरिएर रहेका नेपाली लाईन्सहरूको प्रतिनिधित्व हुने गरी लाईन्स क्लब अफ कुईन्स बुद्धको आयोजनामा ‘सफलताका कथाहरू २०२०’ मा विभिन्न प्रतिवेदन पेश गर्दै यही जुलाई १८ गते भर्चुयल पध्दतिबाट ३:३० घण्टा लामो बैठक सम्पन्न भएको छ । बैठक ‘हामी सेवा गर्छौं’ मूल नाराका साथ स्थापना भएको लाईन्स क्लबहरुको सहभागितामा भएको हो ।
सामाजिक सँस्थाहरुको स्थापना र संचालन केवल समाज सेवाकै निम्ति केन्द्रित हुनुपर्छ भन्ने मान्यता लिएर स्थापित र लाईन्स क्लब अफ कुईन्स बुध्दलेआज आफ्नो स्थापना र सक्रियताको औचित्यलाइ विगतमा जस्तै फेरी एकपटक पुष्टि गरेको छ ।
कार्यक्रमका प्रमुख अतिथ्यता गर्दै अमेरिकाको लागि नेपाली राजदुत डा.अर्जुन कार्कीले भन्नु भयो; “हामीनेपाली अरू समुदायको लागि असल भएजस्तै हामी आफ्नो समुदायको लागि असल बन्ने जीवनशैलीको विकास गर्नु पर्छ । विश्व एक घर जस्तै वनेको सन्दर्भमा नेपाली दाजुभाइ दिदीवहिनी विश्वभरी पुगे तापनि आफ्नो भाषा संस्कृतिलाई कहिले पनि छोडेका छैनन् । बरू आफ्नो समुदायमा जोड्ने र जोडिने धेरै उपायहरू निकालेर मानवीय सेवामा लाग्नुले नै वास्तविक शान्ति र आनन्द दिलाउँदछ” ।
लाईन्स क्लब ईन्टरनेशनलका संजय खेतानलेले नेपाली भाषामा लाईन्स क्लब अन्तराष्ट्रिय पनि चाँडै तयार हुने जानकारी पनि गराऊॅंनु भयो । अहिले कोरोना बिपत्तिमा नेपाल सरकारसॅंग मिलेर सबैभन्दा अग्रपंतिमा रहेर मानवीय सेवामा सक्रिय लाईन्सहरू नै रहेको जानकारी पनि दिनु भयो ।
लाईन्स क्लबबाट पहिलो नेपाली राजेन थापाले अमेरिकामा लाईन्स क्लबको अवसर र चुनौतिका बारेमा प्रकाश पारेको थियो अमेरिकामा धेरै लाईन्स क्लबहरू र नेतृत्वहरू पनि जन्मिने क्रममा रहेको जानकारी गराएको थियो ।
अर्का अथिति राज श्रेष्ठले नेतृत्वको विकास, अवसर र चुनौतिको बिषयमा प्रष्ट पारेको थियो । लाईन्स क्लबले कसरी काम गर्ने तौर तरिकाहरूको जानकारी समेत गराएको थियो । त्यसैगरि बियान पन्थले लियो क्लबको आवश्कता र औचित्यमाथि प्रकाश पारेको थियो । अतिथिहरू थलराज पंथ, बिन्दु सापकोटा, मीना क्षेत्री, संजय थापा, कपिलदेव सुवेडी, अस्मिता फुयल लेआ- आफ्नो मन्तव्य राखेका थिए ।
लाईन्स क्लब अफ कुईन्स बुध्दका अध्यक्ष रिमाया नेपालीले स्वागत मन्तव्य र संस्थापक अध्यक्ष कृष्ण आचार्यले कार्यक्रम संचालन गरेका थिए । सफलता कथाहरू अन्तर्गत सचिवालयमा दिपकराज घिमिरे, अर्जुन गैडेल, रिमाया नेपाली, बुध्द पौडेल, बेगम पंडित, विकि पुलामीको टिमले कार्यक्रम सफल बनाउन सहयोग गरेका थिए ।