काठमाडौं । बुधबार अपरान्ह काठमाडौंमा भिषण वर्षात भयो । जलमग्न भएको काठमाडौंका मूख्य सडकनै डुबानमा परे । लाजिम्पाटमा भने युवकसहित टुकुचा खोलाले मोटरसाइकल नै बगाएको छ। बुधबार अपरान्ह पौने ५ बजे काठमाडौं महानगरपालिका(२ लाजिम्पाटिस्थित निल सरस्वतीस्थान नजिकै रहेको टुकुचा खोलाले एक युवकलाई मोटरसाइकलसहित बगाएको थियो ।
प्रहरीका अनुसार काठमाडौंको धापासी घर भएका २१ वर्षीय सुरज अर्याललाई तत्कालै उद्धार गरिएको थियो । उनले चलाएको बागमती प्रदेश ०२– ०१३ प २५८८ नम्बरको मोटरसाइकल भने फेला परेको छैन । काठमाडौंको जमल, अनामनगरसहितका सडकमा लामो समयसम्म पानी जम्दा यातायात प्रभावित बनेको थियो ।