काठमाडौं । मानवीय सेवामा क्रियाशील परोपकारी अन्तर्राष्ट्रिय संस्था लायन्स क्लबको डिस्ट्रिक्ट ३२५ मल्टिपल कन्भेन्सनबाट इन्टरनेशनल डाइरेक्टरमा नेपालका बालकृष्ण बुर्लाकोटी विजयी भएका छन् । शुक्रबार र शनिबार भएको कन्भेन्सनबाट डाइरेक्टरमा बुर्लाकोटी बिजयी भएका हुन् ।
निर्वाचित बुर्लाकोटीले १६४४ मत प्राप्त गरे भने उनको निकटतम प्रतिद्धन्द्धी खगेन्द्र सिटौलाले ११७८ मत प्राप्त गरे । नेपाल भरीको लायन्सलाई क्लब संख्या र भुगोलको आधारमा ए१, ए२, बी१ र बि२ गरी चार वटा डिस्ट्रिक्टमा बिभाजन गरिएको छ । लायन्स क्लब्स इन्टरनेशनल डिष्ट्रिक्ट ३२५ बि १ नेपालका पूर्वगभर्नर बुर्लाकोटी लायन्स क्लब मल्टिपल डिस्ट्रिक ३२५ नेपालका पूर्व चियरपर्सन हुन् ।नेपालबाट इन्टरनेशनल डाइरेक्टरमा सञ्जय खेतानले यसअघि नै नेतृत्व लिइसकेका छन ।
तस्बिर : मेघा न्युज