काठमाडौं । कुनै समय एटलेटिको मड्रिड र रियल मड्रिडले फराकिलो अन्तरमा अग्रता बनाएको जारी स्पेनिस ला लिगा फुटबलको टप थ्री अब रोचक मोडमा आएको छ । जहाँ तीन शीर्ष स्थानका टोलीबीच अंक तालिकामा भिडन्त शुरु भएको हो । साविक विजेता रियल मड्रिड सोमबार राती भएको खेलमा बराबरीमा रोकिएको छ ।
रियललाई रियल सोसिडाडले १–१ गोलको बराबरीमा रोकेको हो । यसले उसको दोस्रो स्थानमा उक्लने अवसर पर धकेलिएको छ । १ गोलले पछाडी परेको रियलका लागि भिनिसियस जुनियरले ८९ औं मिनेटमा गोल गर्दै अंक दिलाएका थिए ।
रियल मड्रिड र बार्सिलोनाको अहिले अंक तालीकामा समान ५३ अङ्क छ । गोल अन्तरका आधारमा बार्सिलोना दोस्रो र रियल मड्रिड तेस्रो स्थानमा छन् । पहिलो स्थानमा एटलेटिको मड्रिड रहेको छ ।