काठमाडौं । नेपाली औषधी उत्पादक कम्पनीहरु बायोगेन रेमिडिज प्रालि र लोमस फार्मास्यूटिकल प्रालिले उत्पादन गरेका केही औषधी गुणस्तरहीन फेला परेको छ ।
औषधी व्यवस्था विभागले गरेको बजार अनुगमनको क्रममा बायोगेनको उत्पादन बायोकल–डी र लोमसको उत्पादन अस्भिट तोकिएको मापदण्ड विपरित रहेको बताइएको छ ।
औषधीमा मानव स्वास्थ्य प्रतिकूल तत्व भेटिएपछि विभागले तत्कालका ती औषधीको प्रयोगमा रोक लगाउन निर्देशन दिएको छ । साथै, उक्त औषधीलाई बजारबाट तुरुन्त फिर्ता ल्याउन विभागले निर्देश गरेको छ ।
ती कम्पनीका तोकिएका औषधीको सिफारिस, बिक्री वितरण तथा प्रयोग नगर्न–नगराउन सबैलाई आग्रह गरिएको छ ।