काठमाडौं । नेपालमा विदेशबाट आउने व्यक्तिहरुले क्वारेन्टिनमा बस्नु पर्ने अवधि घटेको छ । स्वास्थ्य तथा जनसंखया मन्त्रालयका अनुसार अब विदेशबाट आउने व्यक्तिले अनिवार्य १० दिन मात्र क्वारेन्टिन बसे पुग्ने भएको छ । यसअघि यस्तो अवधि दुई साताको थियो ।
स्वास्थ्य मन्त्रालयअन्तर्गत इन्सिडेन्ट कमान्ड सिस्टमको बैठकले यस्तो निर्णय गरेको हो । संक्रमण क्रमशः कम हुँदै गएको र विदेशमा खोप समेत लगाउन शुरु गरिएको सन्दर्भमा सरकारले यस्तो नियम ल्याएको हो ।
उता, संक्रमित व्यक्तिको सम्पर्कमा आएका व्यक्तिले समेत अब १० दिन मात्र क्वारेन्टिन बसे पुग्ने भएको छ । यस्तो नियम यसअघि दुई साता थियो । यो व्यवस्थापनको अनुगमन भने स्थानीय तहबाट हुने गरी तोकिएको छ । संक्रमण पुष्टि भएका व्यक्ति समेत अनिवार्य १० दिन आइसोलेसनमा बस्नुपर्छ ।