काठमाडौं । विदेशमा वैदेशिक रोजगारीमा गएका नेपालीले एक वर्षको अवधिमा साढे ९ खर्ब रुपैयाँ रेमिट्यान्स पठाएका छन् । गत आर्थिक वर्षमा नेपाल भित्रिने विप्रेषण रकम (रेमिट्यान्स) अघिल्लो वर्षको तुलनामा ९ दशमलव ८ प्रतिशतले बढेको छ । राष्ट्र बैंकका अनुसार यस आवमा ९ खर्ब ६१ अर्ब पाँच करोड रुपैयाँ रेमिट्यान्स भित्रिएको हो ।
कोरोना महामारीका कारण विदेशमा धेरै नेपालीको रोजगारी गुम्ने र उनीहरूले पठाउने रेमिट्यान्स घट्ने अनुमानका बीच पनि नौ खर्ब ६१ अर्ब रुपैयाँ रेमिट्यान्स भित्रिएको हो । अमेरिकी डलरमा पनि रेमिट्यान्स ८ दशमलव २ प्रतिशतले बढेर ९ अर्ब १५ करोड रुपैयाँ पुगेको छ ।
आर्थिक वर्ष २०७७\०७८ मा वैदेशिक रोजगारीका लागि अन्तिम श्रम स्वीकृति लिने नेपालीको सङ्ख्या ६२ दशमलव ८ प्रतिशतले घटेको छ । वैदेशिक रोजगारीका लागि पुनः श्रम स्वीकृति लिने नेपालीको सङ्ख्या गत वर्ष ४६ दशमलव ८ प्रतिशतले घटेको छ ।