विनोद चौधरी बने कांग्रेसको महाधिवेशन प्रतिनिधि

नवलपुर । नेपाली कांग्रेसका सांसद विनोद चौधरी पार्टीको महाधिवेशन प्रतिनिधि चुनिएका छन् । सोमबारबाट नवलपुरमा सुरू प्रतिनिधि सभा क्षेत्रीय अधिवेशनबाट चौधरी महाधिवेशन प्रतिनिधि चुनिएका हुन् । चौधरीबाहेक अरू सर्वसम्मत महाधिवेशन प्रतिनिधि भएनन्। अरू महाधिवेशन प्रतिनिधि चयनका लागि मंगलबार निर्वाचन हुने भएको छ । चौधरी मधेशी कोटाबाट सर्वसम्मत महाधिवेशन प्रतिनिधि चुनिएका हुन् । कांग्रेसको महाधिवेशन अन्तर्गत आज विभिन्न ६० जिल्लामा प्रतिनिधिसभा क्षेत्रिय अधिवेशन भएको हो ।