काठमाडौं । विश्वकप फुटबलमा अमेरिका प्रि क्वाटरफाइनलबाटै बाहिरिएको छ । शनिवार सम्पन्न अन्तिम १६ को पहिलो खेलमा अमेरिकालाई नेदरल्याण्ड्सले ३–१ गोलले हराएको हो । नेदरल्याण्ड्सका लागि मेम्फिस डिपाए, डाले ब्लिन्ड र डेन्जल डमफ्राइसले गोल गरे । अमेरिकाका हाजी राइटले एक गोल फर्काए । दोहास्थित खालिफा इन्टरनेशनल स्टेडियममा भएको खेलमा खेलको दशौँ मिनेटमा मेम्फिस डिपाएले डेन्जल डमफ्राइसको पासमा गोल गर्दै नेदरल्याण्ड्सलाई अग्रता दिलाएका थिए ।
पहिलो हाफको इन्जुरी टाइममा डाले ब्लिन्डले पेनाल्टी बक्सबाट डमफ्राइसकै पासमा गोल गर्दै नेदरल्याण्ड्सको अग्रता दोब्बर पारे । तर, ८१औं मिनेटमा डेन्जल डमफ्राइसले गोल गर्दै नेदरल्याण्ड्सलाई ३–१ को अग्रता दिलाएका थिए । नेदरल्याण्ड्सले अब क्यावटरफाइनलमा अर्जेण्टिनाको सामना गर्नेछ ।