काठमाडौं । स्वास्थ्य तथा जनसङ्ख्यामन्त्री विरोध खतिवडाले वांमय शताब्दी पुरुष सत्यमोहन जोशीको स्वास्थ्य अवस्थाबारे जानकारी लिएका छन्। ललितपुरको इमाडोलस्थित किस्ट मेडिकल कलेज तथा शिक्षण अस्पतालमा उनले जोशीलाई भेटेका हुन् । मन्त्री खतिवडाले उनको उपचारमा कुनै कसर बाँकी नराख्न अस्पताल प्रशासनलाई निर्देशन दिएका छन् ।
जोशी जिउँदो इतिहास भएको भन्दै उनको शीघ्र स्वास्थ्यलाभको कामनासमेत गरेको राससले लेखेको छ । श्वासप्रश्वासमा समस्या देखिएपछि जोशी माघ २५ देखि अस्पताल भर्ना भएका छन् । उनको स्वास्थ्य अवस्था सुधारोन्मुख रहेको अस्पतालको भनाई छ । उनको कोरोना परीक्षण रिर्पोट समेत नेगेटिभ आएको छ ।