न्यूयोर्क
शनिबार राती न्यूयोर्क शहरको ब्रुकलिनमा भिडमाथी गोलीबारी हुँदा १ जनाको मृत्यु र १२ जना घाईते भएका छन् । शनिबार राती अन्दाजी १० बजे ब्रुकलिनस्थित ब्राउन्सभिलको एक खेल मैदानमा गोली चल्दा उक्त घटना भएको हो । खेल मैदान क्रिस्टोफर र हेगीम्यान एभेन्युको इन्टर्सेक्सनमा पर्दछ । स्थानीय “वल्ड टाइमर विक” को एक सामुदायीक कार्यक्रमले नजिकै बसोबास गर्ने थुप्रै मानिसको ध्यान खिचिरहेको समयमा अकस्मात भिडमाथि गोली प्रहार भएको बिभिन्न समाचार एजेन्सीहरुले जनाएका छन् । घटना लगतै मेयर बिल डे ब्लाजियोले ट्वीटर मार्फत “ब्राउन्सभिलमा शान्तिपूर्ण भईरहेको सामुदायीक कार्यक्रम दर्दनाक गोलीबर्षाले तहसनहस पारेको छ” । उनी थप्छन् ” हाम्रो समुदाय र सडक बन्दुक रहित बनाउन बनाउन हामी जे गर्न पनि तयार छौं” ।
घटनामा प्रहरीले परिचय नखुलाएका ३८ बर्षिय एक जनाको टाउकोमा गोली लागेको कारण अस्पताल पुर्याए लगतै मृत्यु भएको छ भने अन्य १२ जनाको नजिकैको असपतानमा उपचार भै रहेको अधिकारीहरुले बताएका छन् ।
प्रहरीले गोली प्रहार गर्ने अपराधीको खोजी गरी रहेको बताएको छ । यदी कसैलाई यो घटना बारे जानकारी भए न्युयोर्क प्रहरीको सम्पर्क नम्बर १-८००- ५७७- ८४७७ मा फोन संपर्क गर्न र प्रहरीको ट्विटर् एकाउन्ट NYPDTips मा संपर्क गर्न भनिएको छ ।