काठमाडौं । नयाँ सरकार गठन गर्ने पहल पार्टीबाट भएको लामो समयसम्म मौन बसेका कांग्रेस सभापति शेर बहादुर देउवाले शुक्रबार तीन दलको बैठक बोलाएका छन् । देउवाले शुक्रबार ३ बजे कांग्रेस, नेकपा माओवादी केन्द्र र जनता समाजवादी पार्टी (जसपा) को बैठक बोलाएको बताइएको छ ।
उनले यो बैठकमा कांग्रेसको नेतृत्वमा सरकार गठन गर्ने सम्बन्धमा दुबै दलसँग राय माग्ने तयारी गरेका छन् । कांग्रेस र जसपाले निर्णय नगरेका कारण माोवादी केन्द्रले समेत सरकारलाई दिएको समर्थन फिर्ता लिन हच्किरहेको छ ।
माओवादी केन्द्र कांग्रेसको नेतृत्वमा सरकार गठन गर्न यसअघि नै सहमत छ । जसपामा भने दुई मत रहेको छ । नयाँ सरकार गठनको प्रक्रिया अगाडी नबढ्ने हो भने माओवादी सरकार छाडेर बाहिरिने तयारीमा रहेको छ ।