काठमाडौं । आयोजक ब्राजिल चिलीविरुद्ध संघर्षपूर्ण जित निकाल्दै कोपा अमेरिकाको सेमिफाइनल प्रवेश गरेको छ। शनिबार बिहान भएको खेलमा ब्राजिलले चिलीलाई १० गोल अन्तरले हरायो । ब्राजिल ४८ मिनेटमै १० खेलाडीमा सिमित भएको थियो । टोलीका गाब्रियल जेसस रातो कार्ड पाउँदै मैदानबाट बाहिरिए । उनले चिलीका डिफेन्डर मेनामाथि फाउल गरेका थिए ।
खेलको पहिलो हाफ गोलरहित बराबरीमा सकिएको थियो। ब्राजिलका लागि ४६ मिनेटमा लुकास पाक्युटाले गरेको गोल नै निर्णायक बन्यो । फाइनल प्रवेश गर्न ब्राजिलले पेरूको सामना गर्नेछ । पेरूले शनिबार नै सम्पन्न अर्को खेलमा पाराग्वेमाथि जित निकालेको हो । यो नतिजा पेनाल्टी सुटआउटबाट आएको हो ।