काठमाडौं । सत्ता गठबन्धनका पाँच दलको बैठक आज पनि बस्ने भएको छ । प्रधानमन्त्री निवास बालुवाटारमा बिहीबारको बैठक बिना निष्कर्ष सकिएपछि शुक्रबार पुनः बैठक बोलाइएको हो । गठबन्धनका शीर्ष नेताले बिहान ९ बजे बैठक बसी साझा धारणा बनाउन कोसिस गर्ने भएका छन् ।
बैठकले अमेरिकी सहायता परियोजना एमसीसी संसदमा पेस गर्ने विषय टुङ्गो लगाउने अनुमान गरिए पनि त्यसो हुन सकिरहेको छैन । बिहीबार सत्तारुढ दलको बैठकमा सहमति नजुटेपछि प्रधानमन्त्री शेर बहाखुर देउवा र प्रमुख प्रतिपक्षी दल एमालेका अध्यक्ष केपी शर्मा ओलीबीच छलफल भएको थियो ।