न्युयोर्क
नेपाली ग्रामिण परिवेश र पिडालाई यथार्थमा उतार्ने प्रयास गरिएको गीत “जीवन यहाँ यस्तै छ” को म्युजिक भिडियो सार्बजनिक भएको छ।
उदयपुर मिडिया हबले निर्माण गरेको उक्त म्युजिक भिडियो सहितको गीतमा शब्द, संगीत र स्वर प्रेम सेन्चुरीको रहेको छ भने उनलाई गायिका सपनाश्रीले साथ दिएकी छिन्।
म्युजिक भिडियोमा कलाकारहरु अप्सरा चाम्लिङ राई, परिस्मा राई, गणेश प्रदेशी, दिनेश राई(कान्छा) र गायक प्रेम सेन्चुरीले समेत अभिनय गरेका छन्। भिडियोको निर्देशन उदयपुर मिडिया हबका सदस्य प्रेम जंग किराँतीले गरेका हुन्।
यस गीतलाई संयुक्त राज्य अमेरिका र उदयपुर जिल्लाकै चौदण्डिगढी नगरपालिकाको गढन्तामा छायांकन गरिएको हो।