काठमाडौं । सभामुख अग्नी प्रसाद सापकोटाविरुद्धको मुद्दामा आज सुनुवाई नहुने भएको छ ।
उक्त मुद्दाको पेशी प्रधानन्यायाधीश चालेन्द्रशम्शेर जबरा, दीपककुमार कार्की, मीरा खड्का, हरिकृष्ण कार्की र विश्वम्भरप्रसाद श्रेष्ठको संवैधानिक इजलासमा परेको थियो ।
रोलक्रमअनुसार आज उनको मुद्दा हेर्न नभ्याइने बताउँदै मुद्दा सारिएको हो । यसअघि ३० फागुन २०७६ मा यो मुद्दा पेसीमा चढाइएको थियो ।
काभ्रेका अर्जुन लामाको हत्यामा सापकोटाको हात रहेको भन्दै उनकी श्रीमती पुर्णिमाया लामाले २०६९ मंसिर ७ गते रिट निवेदन दायर गरेकी थिइन् ।
त्यस्तै संवैधानिक परिषद सम्बन्धी मुद्दा पनि हेर्न नभ्याइनेमा परेको छ । संवैधानिक इजलासमा रहेका उक्त मुद्दा हेर्न नभ्याइनेमा परेको हो ।
संवैधानिक परिषदसम्बन्धी अध्यादेश खारेजीको माग गर्दै अधिवक्ता ओमप्रकाश अर्यालले रिट दायर गरेका थिए ।