न्यूयोर्क । अमेरिकाले साउदी अरवका पत्रकार जमाल खशोग्जीको हत्या साउदी अरबका युवराज सलमान बिन मोहम्मदकै आदेशमा भएको निष्कर्ष निकालेको छ । अमेरिकी गुप्तचर विभागले खशोग्जीको हत्याबारे रिपोर्ट सार्वजनिक गर्दै यस्तो दावि गरेको हो ।
राष्ट्रपति जो बाइडेनको प्रशासनले रिपोर्ट सार्वजनिक गर्दै साउदी अरबका युवराज सलमान बिन मोहम्मदले खशोग्जीको अपहरण गरेर हत्याको आदेश दिएको खुलेको बताएको छ । उता, साउदीका युवराज मोहम्मदले भने यो आरोपको अस्विकार गर्दै आएका छन् ।
खशोग्जीको हत्या हुनासाथ युवराजमाथि औला ठडिएको थियो । पत्रकार खशोग्जी सन् १०१८ मा टर्कीको इस्तानबुलस्थित साउदी वाणिज्य दूतावासभित्र छिरेको केही समयमै उनको हत्या भएको थियो । दूतावास भित्रै उनको शव गायव समेत गराइएको छ ।
खशोग्जी व्यक्तिगत कागजात लिने सिलसिलामा दूतावास छिरेका थिए । पत्रकार खशोग्जी साउदी सरकार र युवराज मोहम्मदका गतिविधिको कडा आलोचक थिए । खशोग्जी हत्या प्रकरणमा साउदीको एक अदालतले पाँच जनालाई फाँसीको सजाय सुनाएको छ ।
यो सजायमा समेत गत वर्ष परिवर्तन भई २० वर्ष कैदमा झारिएको छ । यो घटनामा साउदी सरकारको योजनावद्ध षडयन्त्र रहेको आरोप लागेको छ ।