काठमाडौं । १३ औं दक्षिण एसियाली खेलकुदअन्तर्गत महिला भलिबलमा नेपालले सुखद सुरूआत गरेको छ। नेपालले बुधबार बंगलादेशलाई सजिलै हरायो ।
त्रिपुरेश्वरस्थित कभर्ड हलमा भएको खेलमा नेपालले बंगलादेशलाई ३ ० को सोझो सेटमा हराएको हो र । नेपालको समूहमा भारत र बंगलादेश छन् ।
बंगलादेशलाई हराएको नेपाल भारतसँग कम दवावमा खेल्न सक्नेछ । सन् २०१६ मा भारतले महिला तथा पुरुष दुवै इभेन्टमा स्वर्ण जितेको थियो।
सागको औपचारिक शुरुवात १५ मंसिरबाट हुने भएपनि भलिबलका इभेन्ट भने आजैबाट शुरु भए । बुधबार नै भएको पुरुष भलिबलमा भने नेपाली टोली पराजित भयो । पुरुष टोली भने बंगलादेशकै पुरुष टोलीसँग हारेको हो ।