२४ भदौ, काठमाडौं । आज जेन जी पुस्ताका नाममा काठमाडौंमा उग्र आन्दोलनसहित तोडफोड गरिएको छ । सो आक्रमण रोक्न काठमाडौंका मेयर बालेन साहले पटक पटक आह्वान गरेका छन् । तर, सार्वजनिक सम्पत्तिमाथिको आक्रमण रोकिएको छैन ।
खासगरी नेपालीका महत्वपूर्ण तथ्यांकहरु रहेका सरकारी कार्यालयहरुमा जेनजीले आक्रमण गरी ठूलो क्षति गरेका छन् । अहिले सिंहदरबारमा भयानक आगो लागिरहेको छ । २०७२ सालको भूकम्पले भत्काएको सिहंदरबारको प्रधानमन्त्री कार्यालय दुई वर्ष अगाडी मात्र पुनर्निर्माण गरिएको थियो । अहिले सो कार्यालयका कोठा कोठा जलिरहेका छन् । तर, सडकमा उग्रता देखाइरहेका युवाहरुको जमात थामिएको छैन ।