विराटनगर । भारतको सिक्किममा भूकम्प गएको छ । आज राती ९ बजेर ५ मिनेटमा गएको भूकम्पको धक्का पूर्वी नेपालका जिल्लाहरुमा समेत भएको छ । नेपालको पूर्वी पहाडी र तराई क्षेत्रमा भूकम्पको धक्का महसुस गरिएको हो । भूकम्पको धक्का सुनसरी, मोरङ, भोजपुर, खोटाङ, संखुवासभासहितका जिल्लामा महसुस गरिएको छ ।
पूर्वी नेपालमा पाँच मिनेटको अन्तरमा भूकम्पको झट्का महसुस भएको छ । भारतीय राष्ट्रिय भूकम्प मापन केन्द्रका अनुसार सिक्किममा केन्द्रबिन्दु भएर ५.६ रेक्टर स्केलको भूकम्प गएको छ । यसको असर भूटान र बिहारसम्म पुगेको छ । भूकम्पको क्षतिबारे थप विवरण आउन बाँकि छ ।