सिन्धुपाल्चोक । सिन्धुपाल्चोकको जुगल गाउँपालिका २ लिदीमा गएको भीषण पहिरोमा परेर हराएका मध्ये १६ जनाको शव भेटिएको छ । शनिबार ५ जनाको शव भेटिएको छ । शुक्रबार ११ जनाको शव भेटिएको थियो । प्रहरीका अनुसार शव भेटिएका सबैको पहिचान भइसकेको छ ।
शनिबार जुगल गाउँपालिका २ का १६ वर्षका माइला पराङ दोङ, ३७ वर्षकी मेकमाई दोङ, ११ वर्षकी च्यांमा दोङ, ७ वर्षकी विमला दोङ र ७ महिनाका कविर दोङको शव भेटिएको छ ।
शुक्रबार ३६ वर्षकी टिकामायाँ दोङ, १४ वर्षका छिरिङ दोङ, ८० वर्षका जिते झाँक्री, ८ वर्षका मिलन दोङ, ५ वर्षका सानु दोङ, ७० वर्षका जयबहादुर दोङ, ३० वर्षकी दावा लामु दोङ, ५ वर्षकी प्रिती दोङ र ५ महिनाकी तारा लामु दोङको शव भेटिएको प्रहरीको सूचीमा उल्लेख छ ।
पहिरोमा पुरिएका मध्ये शनिबार एक जनाको भने जीवितै उद्धार गर्न सफल भएका छन् । स्थानीय दावा ग्याल्बो दोङको सदरमुकाम चौतारामा उपचार भैरहेको छ ।