काठमाडौं । कोरोना भाइरसको संक्रमणछि विश्वव्यापी रुपमा बजार प्रभावित भएको छ । यसले सुनको मूल्यमा समेत असर गरेको छ । मंगलबार सुनको भाउ आज तोलामा दुई हजार रुपैयाँ घटेको छ।
सोमबार प्रतितोला ७७ हजार ५ सय रुपैयाँ रहेको छापावाल सुन मंगलबार ७५ हजार ५ सय रुपैयाँमा कारोबार भयो ।
नेपाल सुनचाँदी व्यवसायी महासंघका अनुसार अन्तर्राष्ट्रिय बजारमै सुनको माग घटिरहेको छ ।
कोरोना भाइरसको महामारीका कारण विश्वभर आर्थिक मन्दी छ । जसले गर्दा सुनको माग पनि घटेको हो ।
मंगलबार चाँदीमा समेत प्रतितोला ८० रुपैयाँ घटेको छ। चाँदी मंगलबार ७ सय १० रुपैयाँ तोलामा कारोबार भयो ।