नयाँ दिल्ली । भारतीय अभिनेता सुशान्त सिंह राजपुतको आत्महत्या केवल आत्महत्या नभएको भन्दै परिवारले अनुसन्धान अगाडी बढाउन दवाव दिएसँगै यतिबेला भारतीय प्रहरी उनको मृत्युको कारण पछाडीका रहस्यहरु खोज्न लागि परेको छ । सोही क्रममा यस प्रकरणसँग जोडिएका चार जना पक्राउ परेका छन् ।
पक्राउ पर्नेमा सुशान्तकी प्रेमिका रिया चक्रवर्तीका भाइ शौविक चक्रवर्ती समेत छन् । प्रहरीका अनुसार पक्राउ पर्नेमा सुशान्तका प्रबन्धक श्यामुअल मिरान्डा, सुशान्तका घरेलु सहायक दीपेश सावन्त र अर्का एक जनालाई अनुसन्धानका लागि प्रहरीले नियन्त्रणमा लिएको हो ।
नारकोटिक्स कन्ट्रोल ब्युरो (एनसीबी)ले यो अनुसन्धान गरिरहेको छ । बीबीसीका अनुसार दीपेश लागुऔषध खरिद एवं कारोबारमा समेत संलग्न रहेको खुलेको छ । सुशान्तको १४ जुन २०२० मा वान्द्रास्थित आफ्नै घरमा मृत शरीर भेटिएको थियो ।