काठमाडौं । नेपाली सेनाले एकैपटक २ सय कर्मचारी भर्ना गर्ने गरी दरखास्त आह्वान गरेको छ । सेनाले अधिकृत क्याडेटमा भर्ना खुलाएको हो । नेपाली सेनाको भर्ना छनौट निर्देशनालय, कार्यरथी विभाग जंगी अड्डाका अनुसार २ सय जना अधिकृत क्याडेट (लेफ्टिनेण्ट) पदमा भर्ना खुलेको हो ।
यसअनुसार खुलातर्फ १०५ जना, २५ जना महिला, मधेशी कोटाबाट २५ जना तथा दलित १४ र पिछडिएको क्षेत्रबाट ४ जनाको माग भएको छ । आजदेखि फागुन २१ गतेसम्म दरखास्त दिन सकिने छ । न्युनतम प्रमाणपत्र तह वा सो सरह उतीर्णले दरखास्त दिन सक्ने गरी दरखास्त आह्वान भएको हो ।