काठमाडौं । अफ्रिकी महादेशको सबैभन्दा ठूलो प्रतियोगिता अफ्रिकी कप अफ नेसन्सको उपाधि सेनेगलले जितेको छ । फाइनलमा ७ पटकको विजेता इजिप्टलाई पेनाल्टी सुटआउटमा हराउँदै सेनेगलले ६० वर्षपछि उपाधीमाथि कब्जा जमाएको हो । सेनेगल पहिलोपटक यो उपाधी जित्न सफल भयो । क्यामरुनमा आइतबार राति सम्पन्न फाइनलमा निर्धारित ९० मिनेट र अतिरिक्त समय गोलरहित बराबरीमा सकिएको थियो । त्यसपछि खेल पेनाल्टी सुटआउटमा गएको हो ।
सेनेगल ४-२ ले विजयी भयो । लिभरपुलका दुई स्टार माने र मोहमेद सालाह एक अर्का विरुद्ध भिडेका हुन् । पेनाल्टीमा सेनेगलका साडियो माने, बाम्बा डिङ, अब्डोउ डिआलो र कालिडोउ कुलीबालीले गोल गरे । तर, बोउना सारले गोल गर्न सकेनन् । इजिप्टका अहमेद सायद र मार्वान हाम्दीले गोल गरे । मोहनद लासहेन र मोहमद अब्देलमोनेमको पेनाल्टी रोकियो । यस्तै सेनेगलका माने प्रतियोगिताको उत्कृष्ट खेलाडी बने ।