काठमाडौं । स्थानीय तह निर्वाचनको मतगणना विभिन्न स्थानमा जारी छ । कतै भने अझै सुरु भइसकेको छैन । देशका कतिपय स्थानीय तहमा मतगणना रातिबाट नै सुरु भएको छ भने कतिपयमा शनिबार बिहानैदेखि सुरु भएको हो ।
शनिबार बिहान ७ बजेसम्मको अपडेट अनुसार देशभर कांग्रेसले अग्रता लिएको छ । कांग्रेसले गणना सुरु भएमध्येका ३९ स्थानीय तहका मेयर/अध्यक्षमा अग्रता लिएको छ ।
दोस्रोमा स्थानमा एमाले रहेको छ । एमालेले २१ स्थानमा अग्रता लिएको छ । तेस्रो स्थानमा माओवादी केन्द्र रहेको छ । उसले १७ स्थानमा अग्रता लिएको छ ।
एकीकृत समाजवादी, जसपा र अन्यले २-२ स्थानीय तहमा अग्रता लिएको देखिएको छ ।