स्पेन । स्पेनमा ४० वर्षभन्दा लामो समय राज गरेका पूर्वराजा ख्वान कार्लोसले देश छाड्ने घोषणा गरेका छन् । उनीमाथि एक भ्रष्टाचार मुद्दामा अनुसन्धान जारी छ । साउदी अरवमा एक रेल परियोजनाका सम्बन्धमा उनीमाथि अनियमितताको आरोप लागेको छ । स्पेन छाडेपनि आफुले अनुसन्धानमा भने सहयोग गर्ने उनको भनाई रहेको छ । उनी उदारवादी शासक मानिन्छन् ।
स्पेन अधिनायकबाद शासन व्यवस्थामा रहेको अवस्थामा उनले नै मुलुकमा प्रजातन्त्र ल्याएका हुन् । तर, आफुमाथि आरोप लागेपछि उनले गद्दी त्यागेका छन् । उनी सन् २०१४ यता सत्ता त्याग गरेर बसेका छन् । स्पेन छाडेपनि उनी कहाँ कसरी बस्नेछन् भन्नेबारे भने स्पेनको दरवारले उल्लेख नगरेको बीबीसीले लेखेको छ ।