आचार्य पीपलमणि सिग्देल, न्युयोर्क
खाेला र खाेल्सा अनि खेतबारी
बाेकी अनाैठाे जलकाे भकारी
डटेर आफैं शुभ दृष्टि पार्न
आषाढ आयाे जग याे सिंगार्न
राेजेर नाैलाे जगमा बिहानी
बर्सिन्छ वर्षा नव जिन्दगानी
अनन्त उत्पत्ति दिएर धर्ती
उर्लन्छ याे दिव्य सुकर्म शक्ति
राेपार लाठे पिरती सजाई
भाका कलाकाे लयमा रमाई
टिपेर वाणी मनले सशक्त
बाेकेर दिन्छाै युग भानुभक्त
साहित्य राेप्ने कवि भानु याैटा
लिएर लाठे सम देवकाेटा
आषाढ हाे खेत तथापि एक
उम्रिन्छ भाषा र कथा अनेक !