लण्डन । बेलायतमा स्वास्थ्य प्रोटोकल यति कडा छ की त्यहाँ कुनै पनि ओहदाका मानिसले यसको उल्लंघन गर्न पाउदैनन् । हरेक दिन टेलिभिजनमा जनतालाई स्वास्थ्य प्रोटोकलबारे जानकारी गराउने स्वास्थ्य मन्त्रीले नै प्रोटोकल तोडेपछि अन्ततः उनले राजिनामा दिनु परेको छ । बेलायती संचारमाध्यमहरुका अनुसार बेलायती स्वास्थ्य मन्त्री म्याट ह्यानककले राजीनामा गरेका छन् ।
कोरोनाभाइरस नियन्त्रण गर्न बनाइएको प्रोटोकल तोड्दै उनले एक महिला सहयोगीलाई अँगालो हालेको र चुम्बन गरेपछि उनी आलोचित बनेका हुन् । ती महिलाले समेत राजिनामा गरेकी छिन् । ह्यानककले शनिबार प्रधानमन्त्री बोरिस जोन्सनलाई राजीनामा बुझाएका छन् । उनी केही महिना अगाडी मात्र मन्त्री बनेका थिए ।
उनले स्वास्थ्य प्रोटोकल तोडेको तस्वीर द सन पत्रिकामा शुक्रबार छापिएको थियो । ४२ वर्षिय उनले आफुबाट गल्ती भएको स्वीकार गर्दै राजिनामा गरेका हुन् । उनको स्थानमा प्रधानमन्त्री जोनसनले साजिद जावेदलाई नयाँ स्वास्थ्य मन्त्री तोक्दैछन् । बेलायतमा ४७ लाख १७ हजार मानिसमा संक्रमण पुष्टी भइसकेको छ । १ लाख २८ हजार जनाको मृत्यु भएको छ ।