काठमाडौं । श्री एयरलाइन्सको जहाज शनिबार काठमाडौंबाट सुडानका लागि उडेको छ । यो जहाज नेपाली सेनाले चार्टर्ड गरेको हो ।
श्री एयरलाइन्सका अनुसार एक सैन्य अधिकारीको सुडानमा भएको शव लिन यो जहाज सुडानतर्फ गएको हो । हृदयघातका कारण उनको निधन भएको थियो ।
त्रिभुवन विमानस्थलबाट उडेको यो जहाजले सैनिकको शव बोकेर आइतबार काठमाडौं आइपुग्ने बताइएको छ ।
लकडाउन र अन्तराष्ट्रिय उडानमा लागेको प्रतिवन्धका कारण अहिले आकिस्मक उडानमा विमान चार्टर्ड गर्नुको विकल्प छैन ।
यो विमान राष्ट्रसंघीय शान्ती मिसन र नेपाली सेनाको समन्वयमा चार्टर्ड गरिएको हो ।
शनिबार नै क्यानडाका नागरिक लिएर कतार एयरवेज काठमाडौंबाट उडेको छ । २ सय २ जना क्यानेडियन नागरिक लिन कतार एयरवेज नेपाल आएको थियो ।