काठमाडौं । सरकारले पाँचतारे होटेल याक एण्ड यति बन्द गर्न निर्देशन दिएको छ । होटेलको बैंक खाता रोक्का गर्दै पर्यटन मन्त्रालयले यस्तो निर्देशन दिएको हो । बैंकको पाँचतारे स्तरको वर्गिकरण प्रमाणपत्र रद्द गरेको छ भने क्यासिनो र होटेल संचालनमा समेत रोक लगाउने निर्णय गरेको छ । संस्कृति, पर्यटन तथा नागरिक उड्डयन मन्त्रालयले मंगलबार यस्तो निर्णय गरेको पर्यटन विभागले सूचना जारी गरि जानकारी गराएको छ ।
यस होटेल परिसरमा रहेको क्यासिनोले सरकारलाई बुझाउनु पर्ने दस्तुर तथा राजस्व नबुझाएको र सरकारले पटक पटक ताकेता गर्दा समेत अटेर गरेका कारण पर्यटन मन्त्री प्रेम आलेको सक्रियतामा होटेलमाथि कारवाही भएको समेत बताइएको छ । क्यासिनोले सरकारलाई ४२ करोड रुपैयाँ रोयल्टी बुझाउनु पर्नेमा नबुझाएपछि होटेललाई कारवाही गरिएको हो । साथै ह्याप्पी आवरका नाममा जारी भएका क्यासिनो समेत बन्द गरिएका छन् ।
