काठमाडौं । आगामी जेठ १८ गतेबाट चीन, कतार र टर्कीमा नेपालबाट नियमित उडान खुल्ने भएको छ । मन्त्रिपरिषदको बिहीबार बसेको बैठकले यस्तो निर्णय गरेको नेपाली संचारमाध्यमले जनाएका छन् । चीन, कतार र टर्कीका लागि नियमित उडान खोल्ने निर्णय गरेको पर्यटनमन्त्री भानुभक्त ढकालले संचारमाध्यममा जानकारी गराएका हुन ।
अहिले सरकारले चार्टर्ड उडान मात्र गरिरहेको छ । चीनको सबै शहर, कतारको दोहा र टर्कीको इस्तानबुलमा दोहोरो अन्तर्राष्ट्रिय उडान खुला भएको छ । दुवै खोपको मात्रा पुरा गरेका र कोरोना परीक्षणमा नेगेटिभ रिपोर्ट लिएर आउने यात्रु घर पुगेर १० दिन अनिवार्य होम क्वारेन्टीन बस्ने शर्त राखिने भएको छ ।
एउटा मात्र खोप लगाएको र कोरोना परीक्षण नेगेटिभ आएको यात्रु तीन दिन होटेल क्वारेन्टीन बस्नुपर्ने भएको छ । एउटा पनि खोप नलगाएको र रिपोर्ट नेगेटिभ आएका यात्रु भने आफ्नो खर्चमा १० दिन अनिवार्य होटल क्वारेन्टीन बस्नुपर्नेछ। पिसिआर पोजेटिभ आएका यात्रुलाई नेपाल आउने अनुमति मिल्नै छैन ।