बैंकक । थाइल्यान्डमा मास सुटिंगमार्फत दुई दर्जनको ज्यान लिने सैनिक जवानलाई थाई प्रहरीले मारेको छ ।
शनिबार सैन्य क्याम्पबाट एक जना अफिसरलाई गोली हानेर मारेपछि उनी सपिंग मलमा आएका थिए ।
त्यसक्रममा उनले गोली हानेर कूल २६ जनाको ज्यान लिएका थिए । एकसाथ धेरै जनाको हत्यापछि पनि उनी भाग्न सफल भएका थिए ।
पछि खोजतलास गरी सुरक्षाकर्मीले आइतबार ती सैनिकलाई एउटा सपिङ मल भित्रै गोली हानेर मारिदिएका छन् ।
उत्तरपूर्वी शहर नाखोन राट्चासीमाको टर्मिनल २१ मलमा ती सैनिकलाई मारिएको थाई अधिकारीले जनाएका छन् ।
सन्क्याहा सैनिक ३२ वर्षीय जक्रपन्थ थोम्मा हुन् । थोम्माले नाखोन राट्चासीमास्थित सैन्य क्याम्पमा खटिएका थिए ।
आक्रमण अघि उनी फेसबुक लाइभमा आएका थिए । त्यस क्रममा उनले बदला लिन लागेको बताएका छन् ।
भिडियोमा त्यो केको बदलामा हमला गर्नु परेको थियो भन्नेचाही खुलाएका छैनन् ।