न्युयोर्क
गिनिज बुक अफ वर्ल्डमा ७ वटा रेकर्ड राखिसकेका नेपाली मार्सल आर्टस खेलाडी उज्ज्वल ठकुरीले आठौं र नवौं विश्व किर्तिमानको प्रकृया अगाडि बढाएका छन् । यसपटक उनको चुनौति पाकिस्तानको मोहम्मद रशिदको एकल रेकर्ड तोड्नु रहेको छ ।
मोहम्मद रशिदको रेकर्ड एक मिनेटमा ५ केजी तौल खुट्टामा बाधेर ७८ घोडा प्रहार रहेको छ भने ठकुरीको दोश्रो चुनौति भारतको नाममा रहेको तीन मिनेटमा वजन सहितको १३७ किक प्रहारलाई समाप्त पार्नु छ । यी दुई रेकर्ड कायम भएमा भारत र पाकिस्तानी खेलाडीको रेकर्ड नेपालीको नाममा रहनेछ ।
यस अभियानमा ठकुरीलाई सहयोग गर्ने प्रबासी मन्चका अध्यक्ष प्रभु थापा, बानाका अध्यक्ष सुबोध बिलास पन्त, अन्तर्राष्ट्रिय बिकास निर्देशक भिम बहादुर बि के, दुर्गा बहादुर थापा, गणेश लमिछाने, भुपेन्द्र गुरुङ र गोकुल लामिछाने लगायत रहेका छन् ।
ठकुरी भन्छन्; खेलकुद देशलाई चिनाउने बलियो अस्त्र हो । दशौं रेकर्ड राखेर देखाउने छु ।