काठमाडौं । नेपालमा पछिल्लो २४ घण्टामा ८१ जनामा कोरोना भाइरसको संक्रमण पुष्टि भएको छ । २ हजार ८ सय २४ नमुना परीक्षण गर्दा ३५ महिला र ४६ जना पुरुषमा कोरोना भाइरसको संक्रमण पुष्टी भएको स्वास्थ्य तथा जनसंख्या मन्त्रालयले जानकारी गराएको छ ।
योसँगै नेपालमा कोरोना संक्रमितको संख्या २ लाख ७४ हजार ६५ पुगेको छ । उनीहरुमध्ये शनिबार थप २ सहित २ हजार ७ सय ७३ जनाको मृत्यु भएको छ । गत २४ घण्टामा ६२ जना निको भएसँगै हालसम्म २ लाख ७० हजार ३२५ जना संक्रमणमुक्त भएका छन् ।
हाल देशभर ९६७ जना क्वारेन्टिनमा रहेको तथ्यांकमा उल्लेख छ । मन्त्रालयका अनुसार हालसम्म २१ लाख ६० हजार ४०४ नमुनाको पीसीआर परीक्षण भइसकेको छ ।