काठमाडौं । २४ दिनदेखि आमरण अनसनमा रहेका डा. गोविन्द केसीसँग वार्ता गर्न सरकारले समिति गठन गरेको छ । चर्को जनदवाव, नेकपाका शीर्ष नेताको दवाव, विपक्षी नेपाली कांग्रेसको दवाव र चिकित्सकहरुको आन्दोलन घोषणासँगै सरकारले डा. गोविन्द केसीका मागका सम्बन्धमा छलफल गर्न समिति गठन गरेको हो ।
शिक्षा, विज्ञान तथा प्रविधि मन्त्रालयका सचिव गोपी मैनालीको नेतृत्वमा वार्ता टोली गठन भएको छ । टोलीमा स्वास्थ्य तथा जनसंख्या मन्त्रालयका सहसचिव डा. गुणराज लोहनी र चिकित्सा शिक्षा आयोगका निर्देशक दिलिप शर्मा सदस्य छन् ।
शिक्षा, विज्ञान तथा प्रविधि मन्त्रालयका सचिव गोपी मैनालीको नेतृत्वमा वार्ता टोली गठन भएको छ । टोलीमा स्वास्थ्य तथा जनसंख्या मन्त्रालयका सहसचिव डा. गुणराज लोहनी र चिकित्सा शिक्षा आयोगका निर्देशक दिलिप शर्मा सदस्य छन् ।
नेपालको चिकित्सा शिक्षा र स्वास्थ्य प्रणालीमा व्यापक सुधारको माग गर्दै डा. केसी १९ औं चरणको आमरण अनसनमा छन् । उनको अनसनमा सरकार उदासिन बनेको थियो । सरकारले माग फिर्ता लिएर अनसन तोड्न आग्रह गरिरहेको थियो ।
तर, वार्ताका लागि पहल गरेको थिएन । सरकारलाई अनशन तोडाउन पहल नगरेको भन्दै चिकित्सक संघले भोलि असोज २२ गते बिहान ९ देखि ११ बजेसम्म देशभरका स्वास्थ्य संस्था तथा अस्पतालहरुमा आकस्मिक र कोभिड१९का सेवाबाहेक अन्य स्वास्थ्य सेवा बन्द गर्ने निर्णय आजै गरेको थियो ।