काठमाडौं । सरकारले अन्तर्राष्ट्रिय सभा सम्मेलन बन्द गरेको छ । नेपालमा नियमित आयोजना हुने अन्तर्राष्ट्रिय सभा सम्मेलन, समारोहलाई मे ३१, २०२० सम्म स्थगित गर्ने निर्णय सरकारले गरेको हो ।
खासगरी नेपाल आउन भिसा सुविधा रोकेपछि सरकारले सभा सम्मेलन पनि बन्द गरेको हो । कोरोना सन्त्रासका कारण संसारभर यस्ता गतिविधि ठप्प भएका छन् ।
यसले नेपाल पनि अछूतो रहेन । यसबीचमा नेपाल भ्रमण वर्षका थुप्रै कार्यक्रम आयोजनाको तयारी रहेको थियो ।
तर, कोरोनाले भ्रमण वर्ष नै प्रभावित बनाइदिएको छ । फेब्रुअरीसम्म करीव १ लाखको संख्यामा आएका पर्यटक मार्चबाट करीव ९० प्रतिशत घट्ने अनुमान रहेको छ ।
संसारभर मुलुकहरुले आफ्ना नागरिकलाई यात्रामा प्रतिवन्ध लगाएका छन् । सरकारले नागरिकलाई भीडभाडमा नजाने र सीनेमा हलमा समेत नजान आग्रह गरेको छ ।