न्यूयोर्क
युएस फुड एन्ड ड्रग (एफ.डि.ए) ले विश्वभर फैलिदै गएको कोरोना संक्रमणको प्रयोगशाला परिक्षणको नतिजा ४५ मिनेट भित्रै दिने परिक्षण पद्दतिलाई मान्यता दिएको जनाइएको छ । कोरोना संक्रमणको परिक्षणको नतिजा प्राप्त गर्न ३ दिनसम्म कुर्नुपर्ने अप्ठेरो परिस्थितीमा अब जाँच गरेको ४५ मिनेट भित्रै नतिजा प्राप्त हुने नयाँ प्रयोगले रोकथाम र उपचारमा सजिलो हुने अपेक्षा गरिएको छ । कोरोना परिक्षणको नयाँ प्रयोग उत्पादक कम्पनी क्यालिफोर्नियास्थित शेफिडका अनुसार एफ डि एले शुक्रबार स्विकृती दिएको हो र आगामी हप्तादेखि शेफिडले बजारमा पठाउने छ ।
हाल अमेरिकामा कोरोना संक्रमणको जाँचलाई ब्यापक बनाउँदै लगिएको छ । उप-रास्ट्रपति माईक पेन्सका अनुसार अमेरिकामा प्रकोप शुरु भए यता १ लाख ९५ हजारले संक्रमण परिक्षण गराईसकेका छन् जस मध्ये २५ हजारमा कोरोना संक्रमण भेटिएको छ भने ३ सय ४० को मृत्यु भई सकेको छ ।