वासिंगटन डिसी । अमेरिकी नवनिर्वाचित राष्ट्रपतिमा जो बाइडेनले कोरोना भाइरसविरुद्धको खोप लगाएका छन् । उनले फाइजर–बायोएनटेकले बनाएको कोरोना भाइरस विरुद्धको खोप लगाएको अमेरिकी संचारमाध्यमले जनाएका छन् ।
खोपबारे सर्वसाधारणमा सकारात्मक सन्देश प्रवाह गर्न आफूले सार्वजनिक रुपमा खोप लगाएको बाइडेनले बताएका छन् । उनले डेलवरको नेवार्कमा खोप लगाएका बाइडेनले निर्धक्क भई खोप लगाउन आह्वान गरेका छन् ।
बाइडेन दम्पत्तिले नै खोप लगाएका हुन् । अमेरिका कोरोनाबाट सबैभन्दा बढी प्रभावित मुलुक हो । यहाँ अहिलेसम्म पाँच लाखभन्दा धेरै मानिसमा कोरोना खोप लगाइसकिएको छ । अमेरिकाले अघिल्लो सोमबारबाट सर्वसाधारणमा खोप वितरण थालेको हो ।